ആർത്തവ ചക്രത്തിലെ വ്യതിയാനങ്ങൾ (Irregular Periods) സാധാരണ ആർത്തവ ചക്രം: ഒരു സാധാരണ ആർത്തവ ചക്രം (Periods Cycle) 28 ദിവസമാണ്. എന്നാൽ 22 ദിവസം മുതൽ 35 ദിവസത്തിനുള്ളിൽ എപ്പോൾ ആർത്തവം ഉണ്ടായാലും അത് നോർമൽ ആയിത്തന്നെ കണക്കാക്കാം
ആർത്തവം വൈകുന്നത് (Late Periods): 35 ദിവസത്തിൽ കൂടുതൽ ആർത്തവം വൈകുകയാണെങ്കിൽ അത് അണ്ഡോത്പാദനം (Ovulation) കൃത്യമായി നടക്കാത്തതുകൊണ്ടാകാം . ഇതിന് പ്രധാന കാരണം പോളിസിസ്റ്റിക് ഓവറി (PCOS) പോലെയുള്ള ഹോർമോൺ വ്യതിയാനങ്ങളാണ്
ആർത്തവം നേരത്തെ വരുന്നത് (Early Periods): 22 ദിവസത്തിൽ താഴെ ആർത്തവം വരികയും അമിത ബ്ലീഡിങ് ഉണ്ടാവുകയും ചെയ്താൽ അത് ഗർഭപാത്രത്തിലെ മുഴകൾ (Fibroids), ചോക്ലേറ്റ് സിസ്റ്റ് (Chocolate cyst/Endometriosis) അല്ലെങ്കിൽ അഡിനോമയോസിസ് (Adenomyosis) എന്നിവ കൊണ്ടാകാം . ആർത്തവത്തിന് തൊട്ടുമുമ്പ് കഠിനമായ വേദന വരുന്നത് ഇത്തരം പ്രശ്നങ്ങളുടെ ലക്ഷണമാകാം
പരിശോധനകൾ: ആർത്തവത്തിൽ വലിയ വ്യതിയാനങ്ങൾ കണ്ടാൽ തൈറോയിഡ്, പ്രൊലാക്ടിൻ തുടങ്ങിയ ഹോർമോൺ പരിശോധനകളും സ്കാനിംഗും നടത്തേണ്ടത് ആവശ്യമാണ്
സാനിറ്ററി പാഡുകളും മെൻസ്ട്രുവൽ കപ്പുകളും: ഒരു താരതമ്യം പാഡ് ആണോ കപ്പ് ആണോ നല്ലത് എന്നത് നന്മയുടെ പ്രശ്നമല്ല, മറിച്ച് നമ്മുടെ സൗകര്യത്തിന്റെ പ്രശ്നമാണ്
1. സാനിറ്ററി പാഡുകൾ (Sanitary Pads) ചെലവ്: ഒരു മാസത്തിൽ ഒന്നിലധികം പാക്കറ്റ് പാഡുകൾ ഉപയോഗിക്കേണ്ടി വരുന്നത് സാമ്പത്തികമായി വലിയ ചെലവുണ്ടാക്കുന്നു
ആരോഗ്യ പ്രശ്നങ്ങൾ: പാഡുകൾ തുടർച്ചയായി ഉപയോഗിക്കുമ്പോൾ ഉണ്ടാകുന്ന ഫ്രിക്ഷൻ (ഉരസൽ) കാരണം തുടകൾക്കിടയിലെ തൊലി പൊട്ടാൻ സാധ്യതയുണ്ട്
ഇൻഫെക്ഷൻ സാധ്യത: രക്തം പറ്റിയിരിക്കുന്ന പാഡുകൾ ദീർഘനേരം മാറ്റാതിരുന്നാൽ അവിടെ ബാക്ടീരിയ, ഫംഗസ് എന്നിവ വളരുകയും കഠിനമായ ചൊറിച്ചിലും ഫംഗൽ ഇൻഫെക്ഷനും ഉണ്ടാകാൻ കാരണമാവുകയും ചെയ്യും
പരിസ്ഥിതി മലിനീകരണം: ഉപയോഗിച്ച പാഡുകൾ കത്തിച്ചു കളയാൻ ബുദ്ധിമുട്ടാണ്, അവ മണ്ണിൽ അലിഞ്ഞു ചേരാൻ ഒട്ടനവധി വർഷങ്ങൾ എടുക്കും
2. മെൻസ്ട്രുവൽ കപ്പുകൾ (Menstrual Cups) സാമ്പത്തിക ലാഭം: 450 രൂപ മുതൽ 2000 രൂപ വരെയുള്ള കപ്പുകൾ ലഭ്യമാണ്. ഒരു കപ്പ് വാങ്ങിയാൽ അത് വർഷങ്ങളോളം കേടുപാടുകൾ കൂടാതെ ഉപയോഗിക്കാൻ സാധിക്കും
സൗകര്യം: പാഡുകൾ പോലെ തുടകൾക്കിടയിൽ ഇരുന്ന് ഉരസുന്ന ബുദ്ധിമുട്ടില്ല. സൈക്ലിങ് പോലെയുള്ള ശാരീരിക പ്രവർത്തനങ്ങൾ ചെയ്യാനും എളുപ്പമാണ്
ഉപയോഗിക്കുന്ന വിധം: ബ്ലീഡിങ്ങിന്റെ അളവ് അനുസരിച്ച് പല സൈസിലുള്ള (Small, Medium, Large) സോഫ്റ്റ് കപ്പുകൾ ലഭ്യമാണ്. ഓരോ തവണ എടുക്കുമ്പോഴും ക്ലോസറ്റിൽ വെച്ച് വെള്ളത്തിൽ നല്ലതുപോലെ കഴുകി വീണ്ടും ഇൻസേർട്ട് ചെയ്യാം.
ശ്രദ്ധിക്കേണ്ടത്: മാസമുറ കഴിഞ്ഞാൽ കപ്പ് സോപ്പും വെള്ളവും ഉപയോഗിച്ച് കഴുകി, നല്ലതുപോലെ ഉണക്കി ഡ്രൈ ആക്കി സൂക്ഷിക്കണം. നനവോടെ സൂക്ഷിച്ചാൽ ഇൻഫെക്ഷൻ വരാൻ സാധ്യതയുണ്ട് .
